Na Mwandishi Wetu
Mkuu wa Mkoa wa Lindi,
Mhe. Godfrey Zambi ameipongeza Halmashauri ya Wilaya ya Ruangwa kwa kupata hati
inayoridhisha na kuweza kufuta hoja 123
mpaka kufikia hoja 15.
Hati inayoridhisha
inatolewa wakati mkaguzi ameridhia kuwa hakuna dosari zozote katika hesabu, na
taarifa za fedha zimeandaliwa kwa mujibu wa mfumo na viwango vya uandaaji
taarifa za fedha zinavyokubalika Kitaifa na Kimataifa.
Mkuu wa Mkoa ametoa
pongezi hizo wakati wa Mkutano maalumu wa Baraza la Madiwani wa Kupitia hoja za
Ukaguzi mwaka 2015/ 2016 katika ukumbi wa RUTESCO mjini Ruangwa.
Mhe Zambi alitoa
pongezi kwa jitihada za menejmenti ya
Wilaya kwa kufanikiwa kufunga hojanyingi zilizokuwa zinaikabili Halmashauri
hiyo.
“Halmashauri hii ndiyo
ilikuwa inaongoza kwa hoja nyingi kuliko halmashauri zote za Mkoa wa Lindi
sikutegemea kama zingeweza kupungua kwa kiasi hiki Menejmenti mmefanya kazi ya
ziada hongereni sana” alisema Zambi.
Aidha aliwataka
waheshimiwa Madiwani kuwasimamia wataalamu wa Halmashauri bila kuangalia ukaribu
wao,mtu akikosea awajibishwe kama sheria na taratibu inavyotaka.
“Sheria na taratibu
zinawekwa ili zifuate si hiari kwa Menejimenti na Madiwani kuzifuata. Maagizo
ya serikali yakija ni wajibu wa madiwani na menejimenti kuyatekeleza kama
yanavyoagiza”.
Naye Katibu Tawala Mkoa
Ndugu Ramadhani Kaswa aliusisitiza uongozi wa Halmashauri kufanya manunuzi kwa
wazabuni wenye risti za kielektroniki ili kuepuka hoja za namna hiyo.
Pia alisema zipo njia
nyingi za kuepuka hoja mbalimbali zinazokuwa zinajirudia kila mwaka,
Halmashauri inatakiwa ipunguze kukopa huduma ili kuepuka hoja, inatakiwa matumizi yafanyike kutokana na
bajeti iliyokuwepo.
Naye M wenyekiti wa
Halmashauri Rashidi Nakumbya aliwataka waheshimiwa madiwani kusimama katika
kata zao ilikuweza kumaliza viporo vya majengo vilivyokuwepo kwa kuwashirikisha
wananchi wao.
“tukiwashirikisha
wananchi kwenye kata zetu haya majengo viporo tutayamaliza, Halmashauri ina majukumu
mengi tukitegemea itumalizie matatizo yote katika kata zetu tutachelewa
tujitoea na wananchi wetu kufanikisha ahadi tulizoziweka za kuwatumikia
wananchi”alisema Nakumbiya
 |
| Mkurugenzi Mtendaji wa Halmashauri Andrea Chezue akimkaribisha Mwenyekiti wa Halmashauri aendelee na taratibu nyingine |
 |
| Mwenyekiti wa Halmashauri akifungua kikoa maalum cha baraza kilichofanyika 15/07/2017 |
 |
| Wataalamu wakiwa wanafuatilia mjadala kwa umakini wa kikao |
 |
| Madiwani wakiwa wanamsikiliza Mkaguzi wa Fedha za Serikali akiwasilisha taarifa yake kwa Mkuu wa Mkoa |
 |
| Mkanguzi wa Fedha za Serikali Nyaulingo akiwasilisha Taaarifa kwenye kikao cha Baraza |
 |
| (kushoto) Mkuu wa Mkoa wa Lindi Godfrey Zambi na (Katikati) ni Katibu Tawala Mkoa Ramadhani Kaswa na kulia) Makamu mwenyekiti wa Halmashauri |
 |
| Mhe wa Diwani wa Kata ya Ruangwa Pendeka Kakiuliza swali baada ya taarifa kuwasilishwa katika kikao hiko |
 |
| Katibu Tawala Mkoa akizungumza na menejmenti na waheshimiwa Madiwani na kuelekeza njia za kumaliza hoja zilizobaki |
 |
| Mkuu wa Wilaya Joseph Mkirikiti akizungumza katika kikoa maalumu cha Baraza la Madiwani |
 |
| Wakuu wa idara wakiwa wanamsikiliza kwa umakini maagizo ya Mkuu wa Mkoa |
 |
| Wageni kutoka mkoani waliohudhuria kikao hiko maalumu cha Baraza la Madiwani |
 |
| Mkuu wa Mkoa wa Lindi Godfrey Zambi akihutubia Baraza la Madiwani |
 |
| Mkuu wa Mkoa akitoa msisitizo wa kufuata maagizo yanayotoka serikali kuu |
